新手港媽: 究竟應該點揀奶樽？

Nuk、Philips Avent、Pigeon、Tommee Tippee仿母乳寬口奶樽大比拼！

揀奶樽花左最長時間，睇完一大堆非常有用既資料，其實真係要好花心機，因為一邊睇一邊要諗究竟自己想幫 BB 揀乜奶樽先適合，揀奶樽最重要就係打唔打算餵母乳，餵母乳一定係盡量埋身餵好，不過點都要買定幾個奶樽傍身。

揀母乳奶樽Coco哥就話新型奶樽 Playtex 倍兒樂、Bfree 和 Dr. Brown's 唔嘔奶，不過母乳奶樽既配件較為複雜，清洗方面就麻煩D，但係一諗到 BB 唔嘔奶幾麻煩都唔怕喇！但係三款揀邊款奶樽好？

原來三款奶樽同樣係 PP 膠，其實 PP 膠並唔係最耐熱同耐用既膠，耐熱度越高耐用程度越高，但係為左 BB 唔嘔奶，PP 膠就 PP 膠， PP 膠耐熱度 120°C 至 140°C，壽命 3-6 個月，單憑奶樽係乜膠、耐熱度以及耐用程度三方面去揀真係唔知應該揀邊隻。

再研究一下終於搵到答案喇，有人話 B Free奶樽好麻煩!!! 不過原來 Bfree 出左第三代 Freedom 奶樽，配件已經無咁複雜，簡單左好多，但係同樣有防脹氣既效果，暫時幫 BB 揀左 Bfree Freedom 奶樽。

不過要等 BB 出世先知道究竟呢隻奶樽好定唔好，唔應該話好定唔好，而係應該話適唔適合 BB，我 BB 適合又唔一定適合您 BB，買奶樽買兩個比 BB 試下先，奶樽周圍有得買，真係唔好一買買太多！

幾經辛苦揀完餵母乳既奶樽，仲要揀埋餵奶粉既奶樽，雖則打算全母乳，但係都要揀定，玻璃樽較耐用所以就揀玻璃樽，同樣要揀唔嘔奶既奶樽，暫時 Dr. Brown's Option 玻璃闊口奶樽就最適合，差D唔記得講究竟奶樽要買咩 SIZE，個人覺得買 9OZ 中 SIZE 好D，聽人講細 SIZE 有機會好快就要換，始終一個奶樽百幾蚊唔平，唯有慎重 D 買，將買錯既可能性減至最低。